Munaı baǵasy kóterilip keledi
16:06, 14 Mamyr 2020
LONDON. QazAqparat – Búgin, ıaǵnı beısenbide munaı baǵasy ósip jatyr, dep habarlaıdy QazAqparat.
Oǵan Investing.com saıtyndaǵy bırjalyq saýda derekteri dálel. Brent markaly munaıdyń shildedegi fıýchers baǵasy ICE Futures London bırjasynda qazirgi ýaqytta barreline $30,24 bolyp tur. Bul aldyńǵy sessııanyń jabylý kezindegi baǵasynan $1,04-ǵa (3,56%) artyq. Ashylý kezinde Brent barreline 29,41 dollarǵa saýdalandy, bul jabylý kezindegi ($29,19) saýda dárejesinen 22 tsentke joǵary.