Munaı baǵasy qaıta $100 bolmaıdy - RF Energetıka mınıstri

ASTANA. QazAqparat - Reseıdiń Energetıka mınıstri Aleksandr Novak munaıdyń bir barreli úshin 100 dollar bolǵan baǵasy taıaý bolashaqta qaıta oralmaıtynyna senimdi. Bul týraly ol Memlekettik Dýmadaǵy úkimet saǵatynda sóılegen sózinde málimdedi, dep habarlaıdy Rosbalt.

«Álemde munaı qory jetkilikti, saladaǵy ónimdilik pen tıimdilik ósti, «kúrdeli munaı» úlesi artqan», - dep atap ótti A.Novak. Ol sondaı-aq munaı óndirýdiń jalpy kólemindegi óndirilýi kúrdeli munaıdyń úlesin arttyrý múmkindigin shyǵarmady.

«Qazir bul 20 paıyz,10 jyldan keıin 50 paıyz bolady», - dedi mınıstr. Jalpy alǵanda, onyń aıtýynsha, munaıdyń búgingi baǵalary «naryq úshin qolaıly ári qalypty». «Múmkin, ol sál tómendeý bolady. Óıtkeni jyl saıyn paıda bolyp jatqan tehnologııalar munaı baǵasyn arzandatyp otyr», - dep qosyp ótti Novak. Sonymen qatar energetıka mınıstri munaı naryǵynyń 2015 jyldyń ekinshi jartysynda nemese 2016 jyldyń basynda teńgerilimdi qalypqa keletinin boljady.