Munaı baǵasy 80 dollarǵa deıin qymbattaýy múmkin - sarapshy

ASTANA. QazAqparat - «Alparı» foreks-kompanııasynyń aǵa sarapshysy Roman Tkachýk munaı baǵasynyń ósýine qaramastan, onyń bolashaǵy bulyńǵyr ekenin aıtty, dep habarlaıdy QazAqparat.

Aıta keteıik, keshe Brent markaly munaıdyń baǵasy sońǵy úsh jylda alǵash ret 70 dollardan asty. Sońǵy ret munaıdyń osy surpynyń barreline 70 dollardan joǵary baǵa 2014 jyldyń 4 jeltoqsanynda tirkelgen. Roman Tkachýk munaı baǵasynyń ósimine dollardyń álsireýi, Qytaıdyń munaı ımportyn arttyrýy jáne AQSh Energetıka mınıstrliginiń apta ishindegi munaı óndirisindegi qordyń tómendeýi týraly aqparaty áser etkenin atap ótti. Qazirgi ýaqytta Brent shamamen 69,2 dollarǵa saýdalanyp jatyr.

«Munaı baǵasynyń ósý úrdisi 2017 jyldyń shilde aıynan beri jalǵasyp keledi. Bizdiń boljaýymyzsha, jaqyn arada baǵa 72 dollar kóleminde ósýi múmkin. Brent 75-80 dollarǵa deıin qymbattaýy múmkin, biraq mundaı kórsetkishter jergilikti aýmaqta ǵana bolýy múmkin. Taqtatas munaıy revolıýtsııa qara altyn naryǵyndaǵy ahýaldy edáýir ózgertti - kóptegen elder (AQSh, Brazılııa jáne t.b.) munaı óndirýdi úırendi. Qazir qara altyn jekelegen elder ǵana óndiretin biregeı taýar bolmaı qaldy», - deıdi sarapshy. 

Onyń aıtýynsha, qazirgi ýaqytta munaı baǵasy neǵurlym qymbattasa, ekinshi jartyjyldyqta soǵurlym arzandaıdy.

AQSh-ta taqtatas munaıyn óndirý qarqyndy júrip jatyr. Biraq mamyr aıynda ROPEK óndiriske kvotany qysqartý boıynsha kelisimdi uzartpaı qoıý qaýpi bar. Oǵan deıin osy saladaǵy negizgi oıynshylar úshin kelisimniń mańyzy joǵalady - Reseıde prezıdenttik saılaý ótedi, Saýd Arabııasy IPO Saudi Aramco ótkizedi. Eger munaı baǵasy qymbat bolsa kelissózder  tyǵyryqqa tireletin bolady», - dep boljaıdy Roman Tkachýk.