Munaı baǵasy 50 dollardan tómen bolyp qala berse, 7 myń munaıshy jumysynan aıyrylýy múmkin
«Eger, tikeleı munaı óndiretin kompanııalar jaıynda aıtar bolsaq, ol jaqta ahýal mynadaı: baǵa 50 dollardan tómen bolǵan jaǵdaıda barynsha joǵary baǵalaýlarǵa sáıkes jumys oryndarynyń qysqarý táýekeli 10 paıyzǵa deıindi, ıaǵnı, 7 myń adamdy quraıdy. Al baǵa 60-50 dollar bolsa 5 myń, 70-60 dollar bolsa shamamen 2-2,5 myń adam»,- dedi ol. Osyǵan oraı ol Ulttyq ekonomıka mınıstrligine munaıdyń eksporttyq kedendik salyǵy stavkalaryn esepteý ádisin engizýdi usynǵandyqtaryn atap ótti. Sonymen qatar, ol munaıshylar qysqartýǵa ushyraǵan jaǵdaıda da olardyń jumyssyz qalmaıtyndyǵyn atap ótti. «Eger biz 13 joba iske qosatyn bolsaq, onda onyń qurylysy barysynda 21,5 myń jumys orny, onyń ishinde turaqty shamamen 6 myń oryn qurylady. TShO keńeıtýge qatysty sheshimdi biz jeltoqsanda qabyldaımyz. Keńeıtý barysynda 20 myń jumys orny qurylady», - dedi mınıstr.