Munaı baǵasy 5% qymbattady

ASTANA. QazAqparat - Juma kúngi saýdada munaıdyń álemdik baǵasy 5% ósti. BAÁ energetıka mınıstri Soheıl ben Mýhammed ál-Mazrýı OPEK munaı óndirý kólemin qysqartýǵa daıyn ekenin habarlaǵan, dep jazady reseılik RIA Novostı.

Saǵat 11-lerde sáýir fıýchersteriniń Brent markaly munaı barreliniń baǵasy 5,74 paıyzǵa - 31,80 dollarǵa deıin ósti. Naýryz fıýchersteriniń WTI markili munaı barreline degen baǵasy 5,63% - 27,69 dollarǵa deıin ósti.

BAÁ energetıka mınıstri Soheıl ben Mýhammed ál-Mazrýı OPEK munaı óndirý kólemin qysqartýǵa daıyn ekenin jáne muny ózge eksporttaýshylarmen talqylaıtynyn málim etti. Sondaı-aq, ol munaı baǵasynyń quldyraýy keı óndirýshilerdiń naryqtaǵy teńdikti qalpyna keltirý úshin qysqartýlarǵa májbúrlegenin aıtty.

Bul málimdeme munaı naryǵyn jaqsartty, alaıda alaıda odan ári ósýine senbeıtindigin aıtyp otyr. Olardyń oıynsha, qazir munaı óndirýdi azaıtý úshin ózara kelisimge kelý múmkindigi tómen jáne naryqtaǵy munaı qory óte kóp.