Munaı baǵasynyń ósýi qysqa ǵana ýaqytqa sozylýy múmkin - sarapshy

<p>ASTANA. KAZINFORM &ndash; Taıaý Shyǵystaǵy kez kelgen qaqtyǵys munaı baǵasynyń ósýine túrtki bolady. Osy oraıda, munaı-gaz salasynyń sarapshysy Asqar Ismaılov pikir bólisti.</p>

«Bul – munaı baǵasynyń naryqtyq mehanızmderge qatysy joqtyǵyn kórsetetin ádettegi jaǵdaı. «Psıhonomıka» degen termın bar, ıaǵnı, munaı baǵasy tutynýdyń ózgerýine emes, aqparattyq aǵynǵa áser etedi. Sondyqtan biraz ýaqytqa baǵa «sekiredi», – dedi ol.

Onyń pikirinshe, munaı baǵasynyń odan ári tómendeýi birneshe faktorǵa baılanysty:

• qaqtyǵys aıaqtalsa
• qaqtyǵys baıaý fazaǵa tússe
• jahandyq óndiris ósse
• dollar álemdik valıýta qorjynyna qatysty qymbattasa (mysaly, Federaldy rezervtik júıe mólsherlemelerdi kóterse).

«Qysqa merzimde baǵanyń kóterilýi Qazaqstan úshin tıimdi. Bul bıýdjetti shetel valıýtasymen tolyqtyrýǵa múmkindik beredi. Uzaq merzimdi perspektıvada munaı baǵasynyń ósýi ekonomıkanyń kólikpen baılanysty barlyq salalarynda ósimge ákeledi. Al bul óz kezeginde barlyq naryqta baǵanyń ósýine sebep bolady. Metall, tamaq, jeńil ónerkásip jáne t.b. Barlyq baǵa ósedi, óıtkeni ónimniń ózindik qunynyń tutynylatyn bóligi artady», - dep túsindirdi sarapshy.