Munaı alpaýyttary otandyq kásiporyndardy qandaı tapsyrystarman qamtyp otyr
Redaktsııanyń saýalyna bergen jaýapqa súıensek, 2020 jyly munaı salasynda oryndalǵan satyp alýlardyń 79%-y «Teńizshevroıl», «Qarashyǵanaq Petrolıým Opereıtıng», North Caspian Operating Company, «Total», «Saıǵaq», «Jaıyqmunaı» kompanııalaryna tıesili bolǵan. Aqshaǵa shaqsaq, bul 4,28 trln teńgeden asady. Otandyq jetkizýshiler men munaıǵa qyzmet kórsetýshi kompanııalar sonyń 1,65 trln teńgesin ıgerýge múmkindik alǵan. ıAǵnı, atalmysh munaı alpaýyttary barlyq satyp alýdyń 38,5%-yn jergilikti kompanııalarǵa usynǵan.
«Satyp alynǵan taýarlardyń kóbi syrttan ákelingen. Barlyǵy 589,58 mlrd teńgege taýar satyp alynsa, sonyń 60,59 mlrd teńgesine nemese 10,3%-y qazaqstandyq óndirýshilerden alynǵan», - dep jazylǵan mınıstrliktiń málimetinde.
Atalǵan 6 kásiporynnyń tapsyrysy boıynsha oryndalǵan jumystar men qyzmetterdiń aqshaǵa shaqqandaǵy kólemi 3,7 trln desek, sonyń 1,59 trln teńgesin nemese 43%-yn jergilikti kompanııalar ıgergen.
«QazMunaıGaz» aktsıonerlik qoǵamy qatysatyn jobalardaǵy jaǵdaı bularǵa qaraǵanda jaqsyraq. 2020 jyly 106,75 mlrd teńgege satyp alynsa, ondaǵy otandyq óndirýshilerdiń úlesi 52,27% bolǵan. Bul aqshaǵa shaqqanda 55,8 mlrd teńge degen sóz.
«597,88 mlrd teńgege jumystar men qyzmetter satyp alynǵan. Mundaǵy jergilikti mazmunnyń úlesi – 82,53% nemese 493,41 mlrd teńge», - dep jazady vedomstvonyń baspasóz qyzmeti.