Múmkindigi shekteýli jandar úshin memlekettik yntalandyrý tetikteri qarastyrylýy kerek - Prezıdent
«Memleket ınklıýzıvti bilim berý salasyna, kedergisiz orta qalyptastyrýǵa, múmkindigi shekteýli jandarǵa ınfraqurylymnyń qoljetimdiligin arttyrý máselelerine kóbirek nazar aýdara bastady. Alaıda osy sharalardyń qabyldanǵanyna qaramastan bul múmkindigi shekteýli jandardyń qajettigin tolyq qamtamasyz etý úshin jetkiliksiz bolyp otyr. Bul rette memleket pen ákimder júıelirek jumys júrgizýi kerek. Olardy memlekettik turǵyda yntalandyrý tetikteri qarastyrylýy kerek dep sanaımyn. 2022 jyly Qazaqstan qabyldaǵan Múgedekterdiń quqyqtary týraly konventsııanyń fakýltatıvti hattamasy ratıfıkatsııalanýy kerek dep esepteımin», - dedi Prezıdent Ulttyq qoǵamdyq senim keńesiniń otyrysynda.
Aıta ketsek, buǵan deıin Qasym-Jomart Toqaev balalardy túrli jábirden, ınternettegi qýdalaý men arandatýdan qorǵaý úshin Ulttyq monıtorıng mehanızmin engizýdi tapsyrǵan bolatyn.