Múmkindigi shekteýli jandar onlaın dúken arqyly tapsyrys bere alady
2020 jylǵy sáýir aıynan aleumet.egov.kz áleýmettik qyzmetter kórsetý portalynda proavtıkti qyzmet kórsetýiske qosyldy. Avtomattandyrylǵan júıe jumysynyń alǵashqy 10 kúninde erekshe qajettilikteri bar azamattarǵa 3136 kómek túri kórsetildi.
Buryn kembaǵal jandarǵa qajetti qyzmet kórsetý jáne ońaltý quraldary memlekettik satyp alý arqyly júzege asyrylatyn. Tenderlik protsedýralardyń uzaqtyǵyna azamattarǵa qajetti taýardy kútýge týra keletin. Eń qıyny, kómek alýǵa ótinim resimdeýdiń ózi úshin múmkindigi shekteýli azamattar jumyspen qamtý jáne áleýmettik baǵdarlamalar bólimine barýǵa májbúr bolatyn.
Endi memlekettik áleýmettik qyzmetterdiń onlaın dúkeninde múgedekter kreslo-arbalardy, sýrdo-tıflotehnıkalyq jáne gıgıenalyq quraldy, protezdik-ortopedııalyq kómekti, sanatorlyq-kýrorttyq emdeýdi, jeke kómekshiniń (І-shi toptaǵy múgedekter úshin) jáne ymdaý tili mamanynyń (estý boıynsha múgedekter úshin) qyzmetin alýǵa ótinim resimdeı alady.
Atalmysh qyzmetti onlaın uıaly telefon nómirleri bazada tirkelgen múgedektigi bar ár azamat paıdalana aldy.
Jaqyn arada proaktıvti format boıynsha áleýmettik qyzmetterdiń qol jetimdi tizimi keńeıe túsedi. Endi: medıtsınalyq mekemede jáne úıde arnaýly áleýmettik qyzmetterdi alýǵa, áleýmettik mańyzy aýrýlary bar balaly otbasylarǵa, sondaı-aq múgedek balalardy úıde oqytý boıynsha shyǵyndardy óteý úshin qujattardy resimdeı alady.
Buǵan deıin habarlanǵandaı, QR Eńbek jáne halyqty áleýmettik qorǵaý mınıstrliginiń «Eńbek resýrstaryn damytý ortalyǵy» AQ Memlekettik qyzmetterdi usyný sapasyn jaqsartý úshin 2020 jyldyń qańtarynan bastap https://aleumet.egov.kz áleýmettik qyzmetter portaly iske qosyldy. Bul portal múmkindigi shekteýli adamdarǵa ońaltý quraldary men qyzmetterin satyp alýdy óz betinshe tańdaý múmkindigin beredi.
Bul rette satyp alynǵan taýarlar men qyzmetterge jumsalǵan shyǵyndar óteledi.
Búgingi kúni portalda 500-ge jýyq taýarlar men quraldardy jáne ońaltý qyzmetterin kórsetetin kompanııa tirkelgen.
2021 jylǵa deıin ońaltý taýarlary men qyzmetteri bir mezgilde áleýmettik qyzmetter portaly jáne Memlekettik satyp alý júıesi arqyly qamtamasyz etiletin bolady. 2021 jyly avtomattandyrylǵan júıege tolyq kóshý josparlanýda.