Múmkindigi shekteýli jandar múgedektikti rastaıtyn qujatty onlaın ala alatyn boldy

NUR-SULTAN. QazAqparat - Múgedektigi bar adamdar ony rastaıtyn qujattardy endi onlaın ala alady, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

«28 jeltoqsannan bastap «Elektrondyq úkimet» portalynda (eGov) QR Eńbek jáne halyqty áleýmettik qorǵaý mınıstrliginiń «Múgedektikti jáne/nemese eńbek etý qabiletinen aıyrylý dárejesin belgileý jáne/nemese qajetti áleýmettik qorǵaý sharalaryn aıqyndaý» memlekettik qyzmet kórsetý kezinde beriletin qujattardyń elektrondyq nysandaryn alý qoljetimdi» delingen habarlamada.

Bul qyzmetti «Eńbek resýrstaryn damytý ortalyǵy» AQ men «Ulttyq aqparattyq tehnologııalar» AQ birlesip, Tuńǵysh Prezıdent Nursultan Nazarbaevtyń 2018 jylǵy 5 qazandaǵy Qazaqstan halqyna Joldaýyn, sondaı-aq Memleket basshysy Qasym-Jomart Toqaevtyń 2020 jylǵy 4 naýryzdaǵy «Tsıfrlyq Qazaqstan» memlekettik baǵdarlamasyn iske asyrý jónindegi tapsyrmasyn oryndaý sheńberinde júrgiziletin áleýmettik eńbek salasyndaǵy memlekettik qyzmetterdi ońtaılandyrý jáne avtomattandyrý jónindegi jumys barysynda iske asyrdy.

Osylaısha, eGov portalynda kelesi qujattardyń elektrondyq nysandaryn alýǵa bolady:

• -múgedektik týraly anyqtama;
• -jalpy eńbek etý qabiletinen aıyrylý dárejesi týraly anyqtama;
• -kásiptik eńbekke qabilettiliginen aıyrylý dárejesi týraly anyqtama;
• -kásiptik eńbekke qabilettiliginen aıyrylý dárejesi týraly anyqtamadan jáne -medıtsınalyq-áleýmettik saraptama aktisinen úzindi kóshirme;
• -zardap shekken qyzmetkerdiń kómek pen kútimniń qosymsha túrlerine muqtajdyǵy týraly -qorytyndy;
• -ońaltýdyń jeke baǵdarlamasynyń áleýmettik bóliginen úzindi kóshirme;
• -ońaltýdyń jeke baǵdarlamasynyń kásiptik bóliginen úzindi kóshirme;
• -medıtsınalyq-áleýmettik saraptamanyń saraptamalyq qorytyndysy týraly habarlama;
• -tolyq ońaltý týraly habarlama.

Múgedektigi bar balalardyń ata-analaryna jáne múgedektigi bar adamdardyń qamqorshylaryna balaǵa nemese qorǵanshyǵa joǵaryda atalǵan elektrondyq qujattardy alýǵa bolady.