Múmkindigi shekteýli adamdardyń quqyqtary: Májilis zań jobasyn maquldady

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Atalǵan zań jobasy Májiliste bıyl 26 mamyrda birinshi oqylymda maquldanǵan bolatyn.

Zań jobasy Múgedekterdiń quqyqtary týraly konventsııanyń normalaryn qoldanystaǵy zańnamaǵa ımplementatsııalaý, sondaı-aq Qazaqstan Respýblıkasynda múgedek adamdardyń quqyqtaryn qamtamasyz etý jáne turmys sapasyn jaqsartý jónindegi 2025 jylǵa deıingi ulttyq jospardy iske asyrý maqsatynda ázirlendi.

Májilistiń Áleýmettik-mádenı damý komıtetiniń málimetinshe, Zań jobasymen jumys isteý barysynda depýtattar birqatar túzetýler engizdi, olar:

- múgedektik toby belgilengen múgedek balalarǵa joǵarylatylǵan járdemaqylar taǵaıyndaý merzimderin aıqyndaýǵa;

- bala kezinen birinshi toptaǵy múgedektiń kútimine baılanysty uqsas járdemaqy alatyn adamdarǵa múgedektiń kútimine baılanysty járdemaqyny taǵaıyndaý tártibin ońaılatýǵa baǵyttalǵan. Osy maqsatta depýtattar normalar qabyldady, bul normalarǵa sáıkes mundaı adamdarǵa birinshi toptaǵy múgedektiń kútimine baılanysty járdemaqy memlekettik organdardyń nemese uıymdardyń tıisti aqparattyq júıelerindegi málimetter negizinde qaıta taǵaıyndalatyn bolady;

- múgedekterdi Áleýmettik kórsetiletin qyzmetter portaly arqyly kómekshi quraldarmen, arnaýly júrip-turý quraldarymen, kórsetiletin qyzmettermen qamtamasyz etý, sondaı-aq tabysy az otbasylarǵa kepildik berilgen áleýmettik toptama usyný protsesterin jetildirýge baǵyttalǵan.

Sonymen qatar, múgedektiń muqtajdaryn aıqyndaýdyń jeke-dara tásilin qamtamasyz etý úshin zańnamalyq negiz qalyptastyrý maqsatynda depýtattar tolyqtyrýlar engizedi, onda:

múgedektiń tehnıkalyq kómekshi quraldarǵa, arnaýly júrip-turý quraldaryna (tehnıkalyq ońaltý quraldary), kórsetiletin qyzmetterge qajettilikterin baǵalaýǵa sáıkes múgedekti ońaltýdyń jeke baǵdarlamasyn jasaý;

QR Úkimetine múgedektiń qajettilikterin baǵalaý tártibin bekitý boıynsha qosymsha quzyretin berý kózdeledi.

Zań jobasyn ekiudaı túsinýdi bolǵyzbaıtyn jáne ony Qazaqstan Respýblıkasynyń qoldanystaǵy zańnamasyna, zań tehnıkasy qaǵıdalaryna sáıkes keltirýge baǵyttalǵan redaktsııalyq jáne naqtylaýshy sıpattaǵy birqatar túzetýler engizildi.

Zań jobasynda 16 zańnamalyq aktige, onyń ishinde 2 kodekske (Qazaqstan Respýblıkasynyń Eńbek, Bıýdjet kodeksterine) jáne 14 zańǵa ózgerister men tolyqtyrýlar engizý kózdelgen.