Múmkindigi shekteýli adamdardyń qoǵamǵa tolyqqandy yqpaldasýyn qamtamasyz etý qajet - Adam quqyqtary jónindegi ýákil A.Shákirov

ASTANA. 7 qarasha. QazAqparat -  Búgin QR Adam quqyqtary jónindegi ýákili Asqar Shákirov múgedek áıelder uıymdarynyń jetekshilerimen kezdesti.

Іs-shara aıasynda  múmkindigi shekteýli azamattardyń quqyqtaryn qorǵaý máseleleri keńinen talqylandy. A.Shákirov óz kezeginde osy salada atqaryp jatqan jumysy jaıynda jan-jaqty habardar etti. «Búginde múmkindigi shekteýli azamattardyń quqyqtaryn saqtaý máseleleri Memleket basshysynyń atyna joldanatyn Ýákildiń jyl saıynǵy esebinde kórsetiledi. Osy salada arnaıy monıtorıng jasalyp, saraptamalyq-analıtıkalyq jumystar júrgiziledi. Aǵymdaǵy jyly biz Qazaqstandaǵy múmkindigi shekteýli azamattardyń quqyqtaryn saqtaýǵa arnalǵan usynystar ortalyq memlekettik organdarǵa joldadyq. Basty másele - múmkindigi shekteýli adamdardyń qoǵamǵa tolyqqandy yqpaldasýyn qamtamasyz etý», - dep atap kórsetti A.Shákirov.