Múlikti bóliskisi kelmegen — BQO-da áıel kúıeýin óltirýge kıller jaldaǵan

<p>ASTANA. KAZINFORM - BQO-da polıtsııa tapsyryspen kisi óltirý qylmysynyń aldyn aldy, dep habarlaıdy Polisia.kz saıty.</p>

Óńirdiń uıymdasqan qylmysqa qarsy kúres basqarmasynyń jedel ýákilderi shuǵyl túrde áreket etip, qylmysqa jol bermedi. Qylmysty uıymdastyrdy degen kúdikpen BQO-nyń eki turǵyny ustaldy. Qylmysqa tapsyrys berýshi kúıeýimen múlikti bóliskisi kelmeıtin áıel ekeni anyqtaldy.

Kúdiktilerden olardyń kinásin rastaıtyn zattaı dáleldemeler tárkilendi. Tergeý málimetteri boıynsha, qarýdy satyp alý jáne kisi óltirýdi oryndaý úshin tapsyrys berýshi uıymdastyrýshyǵa 1,3 mln teńge bergen. Kúdiktiler ustaldy, sottyń sanktsııasymen olarǵa qatysty “qamaýda ustaý” bultartpaý sharasy tańdaldy.

Qylmystyq is kisi óltirýge oqtalý faktisi boıynsha tergelip jatyr. Kúdiktiler 20 jylǵa deıin bas bostandyǵynan aıyrylýy múmkin.

Qazir jábirlenýshiniń ómirine eshqandaı qaýip joq.

Tergeý múddesi úshin ózge málimetter jarııa etilmeıdi.