Múlik salyǵyn tólemeı júrgen atyraýlyqtardyń qaryzy 385 mln teńgege jetken
Atyraý oblystyq memlekettik kirister departamentiniń baspasóz qyzmetinen málim
etkendeı, jyljymaıtyn múlik jáne jer salyǵyn 1 qazanǵa deıin tóleýi qajet,
«Qazir ekinshi deńgeıdegi bankter jeke tulǵalarǵa SMS jáne PUSH-habarlamalar
boıynsha múliktiń aldaǵy salyq tólemderi boıynsha aqparat jiberdi. 2021 jylǵa
arnalǵan salyqty ekinshi deńgeıdegi bankterdiń mobıldi qosymshalary arqyly tóleýge
bolady. Eseptelgen salyq somasy salyq tóleýshilerdiń derbes shotyndaǵy artyq tólemdi
eskere otyryp kórsetiledi. Salyq bereshegin e-SalyqAzamat mobıldi qosymshasynan da
tekserýge bolady. Óıtkeni, e-SalyqAzamat qosymshasyndaǵy «Elektrondyq servıster»
bóliminde «JT jáne JK aldaǵy tólemder servısi» bólimshesi bar. Onda JSN boıynsha
múlik salyǵy boıynsha aldaǵy tólemder týraly málimetter kórsetiledi», -dep habarlady
departamenttiń baspasóz qyzmeti.
Memlekettik kirister departamenti aımaq turǵyndaryn 1 qazandy kútpeı-aq salyq tóleýge
shaqyryp otyr.
«Bıylǵy 1 tamyzdaǵy málimetke sáıkes oblys turǵyndarynyń múlik salyǵy 385,1 mln
teńgege jetken. Boryshkerler qatarynda 22,8 myń adam bar. Olardyń basym bóligi – 17,5
myń adam Atyraý qalasynda turatyn turǵyndary ekenin belgili bolyp otyr. Shahar
turǵyndarynyń bereshek somasy 309,2 mln teńgeni quraıdy», -dep málim etti
departamenttiń baspasóz qyzmetinen.
Eske sala ketelik, budan buryn Atyraýlyqtar kólikke 355 mln teńge salyq tólemegenin
https://kaz.inform.kz/news/atyraulyktar-kolikke-355-mln-tenge-salyk-tolemegen_a3960378
habarlaǵan bolatynbyz.