Muqtaj bolsań – al, jaǵdaıyń bolsa – sal: Qaraǵandylyqtar qaıyrymdylyq aktsııasyn ótkizdi
Kún saıyn Prıshahtınsk sýpermarketteriniń biriniń janynda azyq-túlik dastarhany jaıylady. Munda «Muqtaj bolsań – al, jaǵdaıyń bolsa – sal» degen habarlandyrý ilingen.
Kez kelgen muqtaj adam kelip, qajetti ónimderdi ala alady.
Al ıgi iske óz úlesin qosqysy keletinderde birdeńe satyp alyp, ústelge qaldyrýǵa múmkindigi boldy.
«Aktsııa ıdeıasyn bizdiń qordyń qyzmetin burynnan baqylap, kómek kórsetip kele jatqan tanys balalar aıtt y. Olar uzaq ýaqyt daıyndaldy, qarajat jınady, azyq-túlik satyp aldy. Olar bul aktsııanyń ne ekenin adamdar túsinýi úshin arnaıy jadynama jasady», – deıdi «Otzyv» qoǵamdyq qorynyń jetekshisi Aleksandr Korogodov.
Ústeldegi taǵamdar ár túrli bolady: kúrish, qaraqumyq, gerkýles, makaron, qant, tuz, un, sý, qurma.
Áleýmettik jelilerden aktsııa týraly bilip, oǵan kókónis pen jemisterdi bólshek saýdada satýmen aınalysatyn jas kásipkerler qosyldy.
Sondyqtan ýaqyt óte kele ústelde alma, banan, kıvı paıda boldy.
Aleksandr da shette qalmady. Ol qordan aktsııaǵa qarajat berdi, osyndaı qaıyrymdylyq is-sharalaryn qalaı sátti ótkizý kerektigi týraly tájirıbesimen bólisti.
«Ústeldiń janynan ótken qarapaıym adamdar úshin bul tańqalarlyq jaıt boldy. Kóbisi aldymen jigitter azyq-túlik satady dep oılady. Kóptegen muqtaj adamdar jaqyndaýǵa uıalǵanyn kórýge bolady. Biz olardy ózimiz shaqyrdyq, qajettisin berdik», – deıdi «Otzyv» qorynyń jetekshisi.
Bul aktsııa sońǵy ret ótkizlip otyrǵan joq. Eriktiler jerlesterine kómek kórsetýdi áli de jalǵastyrmaq.
Aleksandrdyń aıtýynsha, qaıyrymdylyq adamdardy meıirimdi etedi.
Qol ushyn bere alatyndar mindetti túrde qaıǵy-qasiretke dýshar bolǵan muqtajdarǵa kómek kórsetedi.
«Meniń qorym segiz qaıyrymdylyq aktsııasyn ótkizdi. Sońǵy shara barysynda biz 40 otbasyna kómek kórsettik. Bir aıǵa azyq-túlik satyp aldyq. Bul áleýmettik osal topqa jatatyn otandastaryn qoldaǵysy keletin qarapaıym adamdardyń arqasynda júzege asady. Qaraǵandylyqtarǵa aıtarym, shette qalmańyzdar, ár tıyn muqtaj balalardyń, jalǵyzbasty analardyń, múmkindigi shekteýli adamdardyń kúlkisi men qýanyshyna sebep bolýy múmkin», – deıdi Aleksandr Korogodov.