Muqtaj azamattarǵa qoldaý kórsetý «Halyq únine qulaq asatyn memleket» tujyrymdamasyn tolyqtaı sıpattaıdy – Talǵat Nurǵojın

ALMATY. QazAqparat – Syn saǵatta memlekettiń áleýmettik jaǵynan az qamtylǵan adamdarǵa kómek qolyn sozýy «Halyq únine qulaq asatyn memleket» tujyrymdamasyn tolyqtaı sıpattaıdy. Osyndaı pikirin S.Asfendııarov atyndaǵy qazaq ulttyq medıtsınalyq ýnıversıtetiniń rektory Talǵat Nurǵojın jetkizdi, dep habarlaıdy QazAqparat tilshisi.

Onyń aıtýynsha, koronavırýs pandemııasy álemniń barlyq memleketterin qamtyp, adamzatqa aıtarlyqtaı salmaq túsirgen.

Kóptegen elder ınfektsııanyń taralýyna jol bermeý úshin ekonomıkaǵa áser etetin karantındik sharalardy engizýde. «Qazaqstan aıtarlyqtaı ekonomıkalyq shyǵyndarǵa qaramastan, óz azamattaryna teńdesi joq qoldaý sharalaryn kórsetip jatyr. El Prezıdenti Qasym-Jomart Toqaevtyń jarııalaǵan daǵdarysqa qarsy sharalary búgingimiz ben erteńimizge alańdamaýǵa múmkindik beredi. Memleket tarapynan mıllıondaǵan turǵyndarymyzǵa qoldaý kórsetilmek: zeınetaqylardy ındeksteý, áleýmettik tólemder, medıtsınalyq qamtamasyz etý, azyq-túlik jıyntyǵymen arnaıy kómek, salyqtyq preferentsııalar túrindegi bıznesti qoldaý jáne qaryzdar boıynsha tólemder merzimin uzartý, salyq tóleýdi toqtata turý, jol kartasy boıynsha jumysqa ornalastyrý jáne taǵy basqa sharalardyń barlyǵy azamattarymyzǵa koronavırýs epıdemııasy men karantın kezeńin ótkerýge múmkindik beredi», - dedi Ýnıversıtet rektory.

Oqý ornynyń basshysy ózi basqaryp otyrǵan bilim salasyna qatysty oıyn aıtty.

«Qazirde dárigerler buryn-sońdy bolyp kórmegen qarjylyq qoldaýdy ala bastady. Ne bolsa da, aq halatty abzal jandar árkez naýqastardyń janynda tabylmaq. Dál qazir olar bárimizden qaraǵanda áldeqaıda kóp táýekelge barýda, sebebi olar vırýsty juqtyrǵan naýqastarmen únemi baılanysta bolýǵa týra keledi. Sonymen qatar, Prezıdent barlyq qazaqstandyqtardyń muń-muqtajyna nazar aýdaryp, naqty sharalar qoldanýda. Áleýmettik tólemderdi taǵaıyndaý jáne basqa da qoldaý sharalary muny rastap otyr. Árbir qazaqstandyq, qandaı da bir uıymnyń jaldamaly qyzmetkeri bolsyn, kásipker, jumyssyz nemese eshqashan bıýdjetke resmı aqsha aýdarmaǵan ózin-ózi jumyspen qamtyǵan adamdar bolsyn, barlyǵy da memleketten qarjylaı óteýsiz kómek alýda. «Halyq únine qulaq asatyn memleket» jańa tujyrymdamasynyń iske asyrylýy azamattarǵa naqty kómek retinde anyq sezilýde. Elimizdiń, Úkimettiń jáne Prezıdenttiń senimin rastap, engizilgen shekteý rejımderiniń erejelerin múltiksiz saqtaý bizdiń mindetimiz bolyp tabylady. Halqymyzdyń taǵdyry árbir qazaqstandyqtardyń is-áreketine tikeleı balanysty bolyp otyr», - dedi Talǵat Nurǵojın.