Muqııat bolyńyz: Almaty polıtseıleri turǵyndarǵa úndeý jasady
Almaty polıtsııasy alaıaqtarǵa aldanyp qalmas úshin qarjy saýatyn arttyrý kerektigin aıtty.
«Ókinishke qaraı, qylmys bir orynda turmaıdy jáne kún saıyn jańa kórinisterge ıe bolady. Alaıaqtyq – múliktik qylmystardyń keń taraǵan túri. Onyń ishindegi eń ózektisi – nesıe salasyndaǵy alaıaqtyq. Biz nesıe berýdiń qolaıly sharttary men tez óńdeý merzimi týraly ýáde beretin deldaldarmen baılanys jasamaýdy usynamyz. Ádette mundaı adamdar - sizdiń sengishtigińizdi, qarjylyq tehnologııalar men quqyqtyq máseleler salasyndaǵy nashar bilimińizdi paıdalanyp, qylmys arqyly baıýǵa umtylatyn áleýetti alaıaqtar», – dedi Almaty qalalyq polıtsııa departamenti bastyǵynyń orynbasary Rústem Ábdrahmanov.
Onyń aıtýynsha, jeńil aqsha tabýdy kózdegender – jaqsy psıhologtar, olar azamattardyń senimine tez jáne ońaı kiredi.
Buǵan deıin toqsannan astam adamnyń atynan onlaın nesıe rásimdegen alaıaq áıeldiń sottalǵanyn jazǵan bolatynbyz.
Aıta keteıik, Búginde Qazaqstanda azamattarǵa onlaın aqshalaı nesıe beretin 20-ǵa jýyq kompanııa jumys isteıdi.