«Muqaǵalı» jáne «Ońbaǵandar» fılmderi Tallın kınofestıvaline qatysady
20:24, 20 Qarasha 2021
NUR-SULTAN. QazAqparat - «Muqaǵalı» jáne «Ońbaǵandar» fılmderiniń álemdik tusaýkeseri 25-shi Tallın kınofestıvalinde ótedi, dep habarlaıdy QazAqparat.
Sháken Aımanov atyndaǵy «Qazaqfılm» kınostýdııasy baspasóz qyzmetiniń málimetine sensek, Tallınde ótetin «Qarańǵy túnder» kınofestıvali - Shyǵys Eýropadaǵy iri festıvalderdiń biri.
1997 jyldan bastap Estonııanyń astanasy Tallınde ótkiziledi.
Festıval negizgi baǵdarlamadan jáne medıa men kınoóndirispen baılanysty tórt kishigirim festıvalden turady.
Bıyl negizgi baıqaýda Bolat Qalymbetovtiń «Muqaǵalı» jáne Ádilhan Erjanovtyń «Ońbaǵandar» fılmi qatysady.