«Muqaǵalı» fılmi Dýbaıdaǵy halyqaralyq kınofestıvalde bas júldeni jeńip aldy
Taıaý Shyǵys, Azııa jáne Afrıka kınoındýstrııasyn qamtıtyn Meta Film Fest jańa halyqaralyq kınofestıval 27 qazanda Djýmeıra Palmasyndaǵy Nakheel Mall-daǵy Vox Cinemas kınoteatrynda bastaldy. Festıvalde 25 elden 70-ten astam fılm kórsetildi.
Baıqaý baǵdarlamasyna «Muqaǵalı», «Uly dala tańy», «Aqyn» jáne «Konokrady» atty tórt qazaqstandyq fılm tańdalǵan bolatyn.
Belgili qazaq aqyny Muqaǵalı Maqataevtyń 90 jyldyǵyna arnalǵan «Muqaǵalı» kartınasy onyń ómiriniń sońǵy jyldary týraly baıandaıdy. Fılmdi QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirdi.
«Taspanyń stsenarııin belgili qazaqstandyq jazýshy Júsipbek Qorǵasbek rejısser Bolat Qalymbetov pen Ǵazız Nasyrov birlesip jazdy. Fılm qazaqstandyq prokatqa 2021 jyldyń 21 qazanynda shyqqan bolatyn.
Fılmniń álemdik premerasy 25-shi (PÖFF) Tallın kınofestıvali aıasynda ótti. Onda qazaqstandyq kartına ekýmenıkalyq qazylar alqasynyń júldesine ıe boldy. Bıylǵy jyldyń naýryz aıynda ómirbaıandyq kartına Keraladaǵy (Úndistan) 26-shy Halyqaralyq kınofestıvaldiń «Álemdik kıno» sektsııasynda usynyldy. Jaqynda «Muqaǵalı» fılmi Qazan kınofestıvalinde qazylar alqasynyń arnaıy júldesine ıe boldy. Sondaı-aq, fılm Gatchınadegi (Reseı) «Ádebıet jáne kıno» Halyqaralyq kınofestıvalinde qoıýshy-sýretshi Ermek Ótegenovtyń úzdik jumysy úshin qazylar alqasynyń arnaıy dıplomyna ıe boldy», - dep habarlady Sh.Aımanov atyndaǵy «Qazaqfılm» kınostýdııanyń baspasóz qyzmeti.
Foto: kazakhfilmstudios.kz