Muhtar Tileýberdi Tashkenttegi Ekonomıkalyq yntymaqtastyq uıymy mınıstrleriniń keńesine qatysady

ASTANA. QazAqparat – QR Premer-Mınıstriniń orynbasary – Syrtqy ister mınıstri Muhtar Tileýberdi Tashkenttegi Ekonomıkalyq yntymaqtastyq uıymy mınıstrleriniń keńesine qatysady. Bul týraly elordada ótken baspasóz máslıhatynda Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«2023 jylǵy 23-24 qańtarda Tashkent qalasynda Ekonomıkalyq yntymaqtastyq uıymynyń Syrtqy ister mınıstrleri keńesiniń 26-shy otyrysy ótedi. Іs-sharaǵa QR Premer-Mınıstriniń orynbasary – Syrtqy ister mınıstri Muhtar Tileýberdi qatysady. Onyń barysynda Uıymǵa múshe memleketterdiń ekonomıka, logıstıka, ekologııa, týrızm jáne basqa da salalardaǵy ózara is-qımylynyń tıimdiligin arttyrý máseleleri talqylanýy josparlanyp otyr», - dedi A. Smadııarov.

Onyń aıtýynsha, mınıstrler keńesiniń qorytyndysy boıynsha Tashkent kommıýnıkesin jáne basqa da birqatar qujattar men EYU esepterin qabyldaý eskerilgen.

Budan buryn habarlanǵandaı, Syrtqy ister mınıstrliginiń resmı ókili Mıanmada quldyqtan bosap shyqqan Qazaqstanyń eki azamaty elge jetkizilgenin aıtty.