Muhtar Tileýberdi reseılik depýtattyń Qazaqstanǵa qatysty aıtqan sózine pikir bildirdi

NUR-SULTAN. QazAqparat – QR Premer-Mınıstriniń orynbasary – Syrtqy ister mınıstri Muhtar Tileýberdi Reseıdiń Kommýnıstik partııa fraktsııasynyń jetekshisi Gennadıı Zıýganovtyń aıtqan sózine qatysty pikir bildirdi, dep habarlaıdy QazAqparat tilshisi.

«Zıýganovtyń sóılegen sózine qatysty mynany aıtqym keledi. Birinshiden, eshqandaı resmı narazylyq bolmaıdy. Zıýganov ózin is basyndaǵy bılik partııasyna oppozıtsııa retinde kórsetip júrgen RF Kommýnıstik partııasynyń jeteshisi sanalady. Oppozıtsııa barlyq ýaqytta da is basyndaǵy bıliktiń resmı ustanymynan ózgeshe pikir bildirip, sóz sóıleıdi, tipti oǵan kereǵar kelip te jatady. Zıýganovtyń sóılegen sózin Reseıdiń birde-bir federaldy kanaly kórsetken joq», - dedi Muhtar Tileýberdi Úkimet otyrysynan keıin BAQ ókilderiniń saýalyna oraı.

Osy rette ol RF Kompartııasy KOKP ıdeıalogııasyna negizdelgenin atap ótti.

«Jýrnalısterdiń nazaryn atalǵan vıdeonyń sóz sóıleýden keıin 2 aı ótken soń paıda bolǵanyna aýdartqym keledi. Bul vıdeonyń Ýkraınadaǵy oqıǵalar kezinde jarııalanýy da tosynnan emes. Qarýly áskerı janjalmen aqparattyq keńistiktegi kúrestiń jahandyq deńgeıde qatar kúsheıetindigin túsiný qajet. Bul jaıt Qazaqstanyń aqparattyq keńistigin de qamtıdy», - dedi vıtse-premer.