Muhtar Tileýberdi Pákistannyń Syrtqy ister mınıstrimen telefon arqyly sóılesti

NUR-SULTAN. QazAqparat - Pákistan tarapynyń bastamasymen Qazaqstan Respýblıkasy Premer-Mınıstriniń orynbasary - Syrtqy ister mınıstri Muhtar Tileýberdi Pákistan Islam Respýblıkasynyń Syrtqy ister mınıstri Makdým Shah Mahmýd Kýreshımen telefon arqyly sóılesti, dep habarlaıdy QR SІM baspasóz qyzmeti.

Suhbattastar saıası, saýda-ekonomıkalyq jáne gýmanıtarlyq salalardaǵy yntymaqtastyq máseleleri boıynsha pikir almasty, sondaı-aq eki eldiń halyqaralyq alańdardaǵy ózara is-qımylynyń perspektıvalaryn talqylady.
Mınıstr M.Tileýberdi Islam yntymaqtastyǵy uıymynyń Syrtqy ister mınıstrleri keńesiniń otyrysyna Pákistannyń aldaǵy tóraǵalyq etýin Qazaqstan tolyǵymen qoldaıtynyn jetkizip, atalǵan is-sharaǵa óziniń qatysatynyn rastady.