Muhtar Tileýberdi QHR Úkimetiniń Eýrazııa elderi isteri jónindegi arnaıy ókilimen kezdesti

NUR-SULTAN. QazAqparat – Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi QHR Úkimetiniń Eýrazııa elderi isteri jónindegi arnaıy ókili Lı Hýeımen kezdesý ótkizdi, dep habarlaıdy QazAqparat QR SІM resmı saıtyna silteme jasap.

M.Tileýberdi 2022 jyly Qazaqstan men Qytaı arasyndaǵy búgingi tańda jan-jaqty strategııalyq seriktestik deńgeıge jetken dıplomatııalyq qarym-qatynastyń ornaǵanyna 30 jyl tolatynyn atap ótti. Osy kezeńde eki el arasynda saıası senim men iskerlik áriptestik ornatyldy, barlyq shekara máseleleri retteldi jáne qomaqty sharttyq-quqyqtyq baza quryldy.

Óz kezeginde Lı Hýeı Qazaqstanmen strategııalyq seriktestik Qytaıdyń syrtqy saıasatyndaǵy basym baǵyttardyń biri bolyp tabylatynyn málimdedi. Eki el arasyndaǵy qatynastar tyǵyz syndarly dıalog pen ózara tıimdi yntymaqtastyqqa negizdeledi. BUU, ShYU jáne AÓSShK sheńberinde eki eldiń tyǵyz ózara is-qımyly júzege asyrylýda.

Sondaı-aq, QR men QHR arasyndaǵy júk tasymalyn keńeıtý jáne adam almasýdy qalpyna keltirý múmkindikteri boıynsha pikir almasyldy. Taraptar atalǵan máselelerdi tez arada sheshýge baǵyttalǵan tyǵyz birlesken jumysqa ózara beıildiligin rastady.