Muhtar Tileýberdi Qazaqstanda dıpmıssııasy aıaqtalǵan elshilermen kezdesti

NUR-SULTAN. QazAqparat - Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Qazaqstandaǵy dıplomatııalyq mıssııasynyń aıaqtalýyna baılanysty Ispanııa, Italııa jáne Izraıl elshilerimen kezdesýler ótkizdi, dep habarlaıdy QazAqparat.

QR SІM-niń málimetinshe, Ispanııa Koroldiginiń Elshisi Davıd Karrıedomen kezdesý barysynda mınıstr M. Tileýberdiniń bıylǵy 5-6 shildede Madrıdke jasaǵan resmı sapary barysynda qol jetkizilgen ýaǵdalastyqtardyń iske asyrylýyna erekshe nazar aýdaryldy.

Germanııa Federatıvtik Respýblıkasynyń Elshisi Tılo Klınnermen joǵary deńgeıdegi saıası dıalogty odan ári nyǵaıtý, saýda-ekonomıkalyq jáne ınvestıtsııalyq yntymaqtastyqty arttyrý joldary talqylandy.

Izraıl memleketiniń Elshisi Lıat Vekselman kezdesý barysynda óńiraralyq yntymaqtastyq máselelerin kóterdi.

Sońynda mınıstr sheteldik dıplomattarǵa belsendi qyzmeti úshin alǵys hattar tabystap, olardyń aldaǵy jumysyna tabys tiledi.