Muhtar Tileýberdi «Bir beldeý, bir jol» halyqaralyq konferentsııasynda sóz sóıledi

NUR-SULTAN. QazAqparat - Qazaqstan Premer-Mınıstriniń orynbasary - Syrtqy ister mınıstri Muhtar Tileýberdi Azııa-Tynyq muhıt óńiriniń joǵary deńgeıdegi halyqaralyq beınekonferentsııasyna qatysty, dep habarlaıdy QazAqparat QR SІM resmı saıtyna silteme jasap.

Atalǵan is-shara Qytaı tarapynyń bastamasymen «Bir beldeý, bir jol» baǵdarlamasy sheńberinde ótti. «Turaqty qalypqa kelý maqsatynda COVID-19 indetimen kúreste qolǵabys kórsetý» - forýmnyń negizgi taqyryby boldy.

M.Tileýberdi óz sózinde densaýlyq saqtaýdy tsıfrlandyrý salasynda yntymaqtastyqty ornatý, COVID-19 indetine qarsy ekpelerge qol jetimdilikti jáne olardyń ádil bólinýin qamtamasyz etý, sondaı-aq Azııa-Tynyq muhıt óńiriniń múshe-memleketterimen koronavırýstyq ınfektsııasymen kúresý boıynsha yntymaqtastyqtyń praktıkalyq tetikterin kurý boıynsha qazaqstandyq bastamalaryn atap ótti. Sonymen qatar ol elimizdiń BUU-nyń ekologııalyq kún tártibine mańyzdy mán beretindigine jáne ekonomıkany kógaldandyrý jóninde jumysty jalǵastyrýǵa daıyn ekendigine nazar aýdardy.

Beınekonferentsııaǵa Azııa-Tynyq muhıt óńiri, Latyn Amerıka, Ortalyq Azııa memleketteriniń syrtqy saıası vedomstvolarynyń jáne halyqaralyq uıymdardyń basshylary qatysty. Іndetpen kúresý baǵytynda qarym-qatynastardyń bolashaq joldary talqylandy jáne indetten dáýirinde keıingi jahandyq ekonomıkany qalpyna keltirý boıynsha pikir almasý ótti.

Jasyl ekonomıka men ınvestıtsııalar salasyndaǵy yntymaqtastyqtyń bolashaǵyna jáne ózekti ekologııalyq máselelerdiń sheshilýine asa kóńil bólindi.

Іs-sharanyń qorytyndysy boıynsha taraptar COVID-19-ǵa qarsy ekpeler salasynda yntymaqtastyqtyń boıynsha «Bir beldeý, bir jol» seriktestiginiń bastamasy aıasynda» men «Jasyl damý salasynda yntymaqtastyqtyń boıynsha «Bir beldeý, bir jol» bastamasy» eki qujatty qabyldady.