Muhtar Tileýberdi Ázerbaıjan-Armenııa shekarasyndaǵy jaǵdaıǵa pikir bildirdi

NUR-SULTAN. QazAqparat –QR Premer-Mınıstriniń orynbasary – Syrtqy ister mınıstri Muhtar Tileýberdi qazaqstandyq áskerılerdiń Ázerbaıjan-Armenııa shekarasyndaǵy jaǵdaıdy Ujymdyq qaýipsizdik týraly shart uıymy aıasynda retteýge qatysý yqtımaldyǵyna qatysty pikir bildirdi, dep habarlaıdy QazAqparat tilshisi.

«Másele olaı qoıylyp otyrǵan joq. Keshe Ujymdyq qaýipsizdik týraly shart uıymynyń kezekten tys keńesinde Armenııa Premer-Mınıstri UQShU-ǵa múshe elderdiń basshylaryna Ázerbaıjan men Armenııa shekarasyndaǵy jaǵdaı týraly málimet berdi. Jalpy.aqparat qabyldandy, árıne, bizobektıvti aqparat alǵymyz keledi. Óıtkeni eki taraptan árkelki aqparat túsip jatyr. Sondyqtan memleket basshylary UQShU bas hatshysy oqıǵa ornyna baryp, tolyqqandy málimet alyp, sol málimetti memleket basshylaryna baıandaýy kerek degen sheshim qabyldandy» – dedi Muhtar Tileýberdi Álemdik jáne dástúrli dinder lıderleriniń VII seziniń jalpy otyrysynyń kýlýarynda.

Sondaı-aq ol Ázerbaıjan men Aremııanyń arasyndaǵy shekara delımıtatsııalanbaǵanyn eske saldy. Sondyqtan shekaranyń buzylǵany týraly qandaı da bir pikir aıtý qıyn ekenin jetkizdi.

«Sondyqtan qazirgi birinshi mindet ázerbaıjan-armenııa shekarasyn delımıtatsııalaý jáne demarktsııalaý jónindegi komıssııanyń jumysyn jandandyrý bolyp otyr. Biz óz tájirıbemizdi bólisýge daıynbyz. Óıtkeni biz qurlyqta jáne tipti teńizde de óz shekaramyzdy demarkatsııalap alǵanbyz. Reseıden basqa búkil kórshiles memlekettermen shekaramyzdy demarkatsııalaý isi tolyq aıaqtalǵan. Reseımen shekarany demarkatsııalaýǵa taǵy 2-3 jyl kerek shyǵar», - dedi Syrtqy ister mınıstri.

Ol bitimgerlik ásker jiberý máselesi kún tártibinde joq ekenin atady.