Muhtar Tileýberdi Astana jáne Qazaqstan Mıtropolıtimen kezdesti

NUR-SULTAN. QazAqparat – Búgin QR Premer-Mınıstriniń orynbasary - Syrtqy ister mınıstri Muhtar Tileýberdi Astana jáne Qazaqstan Mıtropolıti Aleksandrmen kezdesti, dep habarlaıdy QazAqparat QR SІM-niń resmı saıtyna silteme jasap.

M.Tileýberdi konfessııaaralyq kelisimniń qazaqstandyq modeliniń erekshe rólin jáne bıylǵy 6 qazanda ótken Álemdik jáne dástúrli dinder lıderleri sezi hatshylyǵynyń kezekti otyrysynyń oń nátıjelerin atap ótti.

Mıtropolıt Orys pravoslavıe shirkeýiniń elimizdegi konfessııaaralyq kelisimdi nyǵaıtýǵa qosqan úlesi týraly habarlady.

Álemdik jáne dástúrli dinder lıderleriniń VII sezi 2022 jylǵy 14-15 qyrkúıekte Nur-Sultan qalasynda ótedi. Aldaǵy sezdiń basty taqyryby «Pandemııadan keıingi kezeńde adamzat órkenıetiniń rýhanı jáne áleýmettik damýyndaǵy álemdik jáne dástúrli dinder kóshbasshylarynyń róli».