Muhtar Tileýberdi AQSh-tyń Aýǵanstan jónindegi arnaıy ókilimen kezdesti
13:18, 14 Maýsym 2021
NUR-SULTAN. QazAqparat - Qazaqstan Premer-Mınıstriniń orynbasary - Syrtqy ister mınıstri Muhtar Tileýberdi AQSh-tyń Aýǵanstandy bitistirý jónindegi arnaıy ókili Zalıl Halılzadty qabyldady.
Kezdesý barysynda taraptar Aýǵanstandaǵy aǵymdaǵy jaǵdaıdy jáne aýǵanaralyq dıalogty jolǵa qoıý protsesin talqylady, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
«Qazaqstan Aýǵanstandy damytýǵa, onyń ishinde Ortalyq Azııa men Amerıka Qurama Shtattary arasyndaǵy ózara is-qımyldyń negizgi tetigine aınalǵan S5+1 formaty sheńberinde járdemdesý boıynsha kúsh-jigerin salýdy jalǵastyrady», - dep málimdedi kezdesýde M.Tileýberdi.
Taraptar aýǵan baǵytyndaǵy ózara tıimdi yntymaqtastyqty jalǵastyrýǵa ýaǵdalasty.