Muhtar Taıjan kvazımemlekettik sektorǵa qatysty pikir bildirdi
«Kvazımemlekettik sektor aýqymdy bolsa, onda bul jaǵdaı ekonomıkanyń damýyn tejep turady. Óıtkeni jumys oryndary negizinen jeke sektorda paıda bolady. Eger kvazımemlekettik sektordyń aýqymy azaımasa, jeke sektordyń damýyna nuqsan keltiriledi. Osy oraıda shaǵyn jáne orta bıznes tıisti deńgeıde damymaıdy. Al bıznes damymasa, onda jastar qaıda jumys isteıdi?!», - dedi M. Taıjan Parlament Májilisinde «2020-2022 jyldarǵa arnalǵan respýblıkalyq bıýdjet týraly» zań jobasynyń tanystyrylymynan keıin.
Onyń paıymynsha, kvazımemlekettik sektordy jappaı qysqartýǵa nazar aýdarý kerek.
«Ár úlken holdıngtiń ishinde kóptegen shaǵyn kompanııalar bar jáne olardyń birazy bankrot. Bular memleket qarjysyna salmaq túsiredi. Sáıkesinshe, olardan qajetti paıda joq dep aıtýǵa bolady. Sonymen qatar, osy kompanııalar jeke sektordyń damýyna kedergi keltirýde. Búgin tanystyrylym barysynda bul máseleni taǵy da kóterdim. Sondyqtan ekonomıkany nyǵaıtý baǵytynda kvazımemlekettik sektordy aıamaı qasqartý shart», - dedi Muhtar Taıjan.
Eske sala keteıik, bıyl shilde aıynyń basynda Prezıdent kvazımemlekettik sektor sýbektilerin qurýǵa moratorıı engizdi.
Belgili saıasattanýshy Erlan Saırov kvazımemlekettik kompanııalar qurýǵa jarııalanatyn moratorıı uzaqmerzimdi bolýy kerektigin atap ótti.