Muhtar Taıjan azamattyq berý tártibin qatańdatý kerektigin aıtty

NUR-SULTAN. QazAqparat – Qazaqstan Respýblıkasynyń azamattyǵyn berý tártibin qatańdatý kerek. Bul týraly Jer reformasy jónindegi komıssııanyń birinshi otyrysynda qoǵam qaıratkeri Muhtar Taıjan málim etti, dep habarlaıdy QazAqparat tilshisi.

«2016 jyly halyq kóshege shyǵyp, jer sheteldikterge jalǵa berilmesin, satymasyn dep aıtty. Qudaıǵa shúkir, Prezıdent óz sheshimin qabyldady. Sheteldikterge jer satylmaıdy da, jalǵa da berilmeıdi. Arnaıy zań jobasy Májiliste ekeni belgili», - M. Taıjan. Budan bólek ol Qazaqstan Respýblıkasynyń azamattyǵyn berý tártibin qatańdatý kerektigin aıtty. Óıtkeni, halyqaralyq tájirıbe boıynsha azamattyq alý úshin keıbir elderde memlekettik tilge, sol eldiń tarıhyna qatysty emtıhan tapsyrýy kerek. Eń keminde bes jyl turyp, sol elge degen adaldyǵyn dáleldeýi tıis.

«2016 jyly halyq jer eshkimge satylmasyn dep talap etken edi. Sondyqtan Qazaqstan azamattaryna da jerdi jekemenshikke bermeýimiz kerek. Bul turǵyda aýyl sharýashylyǵy maqsatyndaǵy jerlerdi aıtyp turmyn», - dedi Muhtar Taıjan.