Muhtar Qul-Muhammed jastarǵa sheshendik óner boıynsha birneshe keńes berdi
«Kórkem Telekom» JShS Konsortsıýmynyń basshysy Qaırat Ahmetovtyń «Astana - damý men ınnovatsııanyń 20 jyly» forýmyndaǵy baıandamasynan keıin, Muhtar Qul-Muhammed oǵan úlken aýdıtorııa aldynda qalaı sóıleý kerektigin úıretti.
Aıta keteıik, Qaırat Ahmetov Astanadaǵy «Sergek» jobasynyń avtory retinde tanymal.
«Sen shynymen de bul júıe arqyly qala turǵyndarynyń sergektigin kúsheıttiń. Alaıda saǵan aıtar bir aqyl-keńesim bar. Men úlken aýdıtorııa aldynda jıi sóz sóıleımin, osy oraıda saǵan ózimniń keńesimdi bergim keledi. Seniń aty-jónińdi jarııalaǵannan keıin, minberge shyǵa bergenińde, zalda otyrǵandar alǵashqy bes sekýndta adamnyń syrtqy kelbetin baǵalap, kózben sholyp shyǵady. Bul rette negizinen názik jandylar osyndaı baǵalaýdy júrgizedi. Minberge kóterilgen soń, olar seniń kıimińe qaraıdy. Al sóz bastaǵan kezde, jıylǵan jurt seniń daýysyńdy skanerlep, daýys yrǵaǵyn baǵalaıdy. 20 sekýndtan keıin olardyń nazary basqa obektige aýady», - dedi Muhtar Qul-Muhammed.
Sonymen qatar «Nur Otan» partııasy Tóraǵasynyń birinshi orynbasary spıkerge óziniń baıandamasynda ınfografıkany paıdalanýǵa keńes berdi.
«Eger de ınnovatsııalar jaıynda baıandama jasaý kezinde jaqsy daıyndalǵan ınfgrafıkany usynsań, onda bergen aqparatyń kópshilik tarapynan múldem basqasha qabyldanady», - dep atap ótti M. Qul-Muhammed.
Sóz sońynda ol árbir 20 sekýnd saıyn slaıdtardy jańartyp turyp, baıandama jasaǵan Astana ákimi Áset Isekeshevten úlgi alý kerektigin atap ótti.