Muhtar Qul-Muhamed: Elbasy jańa álemde jańa Qazaqstandy qurdy
«Nur Otan» partııasy Tóraǵasynyń birinshi orynbasary Qazaqstannyń álem moıyndaǵan biregeı jetistikteri Elbasynyń strategııasynyń, baǵa jetpes halyqaralyq abyroıy men saıasatynyń zańdy nátıjesi ekenin atap ótti.
«Sizdiń megaındýstrıalızatsııa boıynsha atqarǵan jumysyńyzdyń arqasynda bizdiń memleketimiz modernızatsııalyq jáne ınnovatsııalyq alańǵa aınaldy. Siz jańa álemde jańa Qazaqstandy qurdyńyz. Sizdiń kóshbasshylyǵyńyzben biz aldymyzda joǵary maqsat qoıýmen birge osy mejelerdi baǵyndyrýdy da úırendik. «EKSPO-2017» Halyqaralyq kórmesiniń ótkizilýi Qazaqstan men Memleket basshysynyń múmkindikterin taǵy bir márte álemge pash ete tústi», - deıdi Muhtar Qul-Muhamed.
Onyń aıtýynsha, básekege qabilettilik boıynsha jahandyq ındeksinde, ınvestorlardyń quqyǵyn qorǵaý reıtınginde Qazaqstan bıylǵy jyly úshinshi oryndy ıelengen.
«Siz óz sózińizde eldegi barlyq reformalar qazaqstandyqtardyń ómirin jaqsartýǵa baǵyttalatynyn aıtyp kelesiz. BUU-nyń adam kapıtalynyń damýy kórsetkishi boıynsha bizdiń eldiń reıtıngi sońǵy eki jylda ǵana 14 pozıtsııaǵa jaqsara tústi. Siz qurǵan, Sizdiń kóshbasshylyǵyńyzdyń arqasynda iri, saıası, kadrlyq ári shyǵarmashylyq áleýetke ıe bolǵan «Nur Otan» partııasy aldaǵy ýaqytta bıik asýlardy baǵyndyrýda, memlekettiń modernızatsııalanýy jumysyna belsene atsalysatyn bolady», - deıdi ol.
Muhtar Qul-Muhamed sonymen birge, Qazaqstan udaıy ósý-órkendeý ústindegi el ekenin tilge tıek etti.
«Memleket bıýdjetiniń 17 jyldyń ishinde ǵana 591 mlrd teńgeden 12,5 trıllıonǵa, naqtylap aıtqanda 21 esege deıin artýy qazaqstandyqtardyń ál-aýqatynyń eselep ósýiniń aıqyn dáleli. HHІ ǵasyrda álemniń birde-bir elinde dál osyndaı ǵajaıyp ósip-órkendeý bolǵan emes. Jańa álemdegi jańa Qazaqstan degen osy dep bilem. Qazirgi tańda búkil álem, damyǵan memleketterdiń ózi saıası-ekonomıkalyq jaǵynan jańarý úderisin bastan ótkerýde. Sondyqtan, Qazaqstanmen birge partııamyz da óziniń jańǵyrý kezeńine aıaq basty. Siz belgilegen bıik maqsattarǵa jetý jolynda Ózińiz tóraǵalyq etetin «Nur Otan» partııasy qoldan kelgenniń bárin jasaıtyn bolady», - deıdi «Nur Otan» partııasy Tóraǵasynyń birinshi orynbasary.
Eske sala ketsek, Astanada búgin Elbasy Nursultan Nazarbaevtyń tóraǵalyǵymen «Nur Otan» partııasy Saıası keńesiniń keńeıtilgen otyrysy ótip jatyr. Otyrystyń kún tártibinde partııanyń 2017 jyldyń 10 aıynda elimizdiń saıası, ekonomıkalyq jáne rýhanı jańǵyrýy aıasynda atqarǵan jumysy, sonymen qatar «Nur Otan» partııasy Saıası keńesi bıýrosynyń quramyna ózgertýler engizý máselesi qaralýda.
Foto BNews.kz