Parıj-2024: Muhammedsabyr Bazarbaıuly da shırek fınaldan asa almady

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda bokstan erler arasynda Muhammedsabyr Bazarbaıuly shırek fınaldaǵy aıqasynda tóreshiler sheshimimen jeńilis tapty.</p>

63,5 kelige deıingi salmaqta synǵa túsken otandasymyz 1/4 fınalda Grýzııa boksshysy Lasha Gýrýlımen qolǵap túıistirgen bolatyn. Asa tartysty ótken kezdesýde qarsylasynyń qos qabaǵyn jaryp, qan-josa etti. Alaıda tóreshiler jeńisti qarsylasyna berdi.

Esterińizge sala keteıik, osyǵan deıin 92 kelige deıingi salmaqta synǵa túsken Aıbek Oralbaı Ázerbaıjan boksshysy Loren Berto Alfonso Domıngesten utylyp, Parıj Olımpıadasyn júldesiz aıaqtady.

Sonymen qatar búgin áıelder arasynda Nazym Qyzaıbaı ekinshi jekpe-jeginde jeńiske jetip, shırek fınalǵa shyqty.

Aıta ketsek, qazaqstandyq sportshylar Olımpıada oıyndarynda sporttyń 25 túrinen synǵa túsip jatyr.