Muhamedıuly: Kenesary hannyń bas súıegin qaıtarý jumystary jalǵasýda

ASTANA. QazAqparat -Kenesary hannyń bas súıegin qaıtarý jumystary jalǵasýda. Bul týraly búgin Astanada ótken baspasóz máslıhatynda QR Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.

«Birneshe jyldan beri Reseı aımaǵynda Kenesarynyń bas súıegin anyqtaý boıynsha jumystar júrip jatqanyn bilesizder jáne osy baǵyttaǵy jumystar mindetti túrde jalǵasady. Biraq qazirgi kezde naqty bir jerde naqty derek bar dep aıtý qıynǵa túsip otyr. Sonymen qatar bas súıek joq dep aıtýǵa eshkimniń quqysy joq»,-dedi mınıstri QazAqparat tilshisiniń saýalyna jaýap berý kezinde.

Budan bólek, A. Muhamedıuly búginde Kenasary hannyń kezindegi jeke zattaryn qaıtarý boıynsha tıisti sharalar atqaralyp jatqanyn atap ótti.

«Máselen, Kenesary qoldanǵan dúnıeler bar ekeni belgili. Máselen, onyń myltyǵy, onyń jazǵan hattary bar jáne osy baǵytta eleýli jumystardy jalǵastyryp jatyrmyz. Sonymen qatar bas súıegin anyqtaý boıynsha ǵalymdar aınalysyp jatqanyn naqty aıta alamyn»,-dedi mınıstr.