Muhamedıuly: «Qazaqstannyń halyq ərtisi» ataǵyn qaıtarý kerek
Úkimet saǵatynda QR Parlamenti Májilisiniń depýtaty Nurlan Dýlatbekov «Halyq ártisi» jáne «Eńbek sińirgen ártis» ataqtarynyń joıylyp, «Eńbek sińirgen qaıratker» ataǵy ǵana qalýy saldarynan «qaıratkerlerdiń» kóbeıip ketkeni týraly másele kóterdi.
«Eńbek sińirgen qaıratker ataǵyn ártister de, dárigerler de, agronomdar da ala beredi - bári Qazaqstannyń eńbek sińirgen qaıratkerleri. «Qazaqstannyń halyq ártisi» jáne «Eńbek sińirgen ártis» ataqtaryn qaıtarý qajet. Qazirgi ýaqytta elimizde KSRO úsh halyq ártisi qaldy - Bıbigúl Tólegenova, Asanáli Áshimov jáne Álibek Dinishev. Jaqyn arada sahnada metr men jas talant qatar turatyn jáne ekeýinde de birdeı «Eńbek sińirgen qaıratker» ataǵy bolatyn ýaqyt keledi. ıAǵnı, ara salmaq joǵalyp bara jatyr», - dep jaýap berdi Arystanbek Muhamedıuly depýtattyń kótergen máselesine oraı.
Onyń aıtýynsha, «Halyq ártisi» jáne «Eńbek sińirgen ártis» ataqtary joq dep, AQSh-ty úlgi etetinder jeterlik.
«Biraq, olarda «Gremmı» laýreaty, «Oskar» laýreaty, Pýlıttser júldesi syndy ózge sanattar bar jáne osy marapattar arqyly qoǵamdaǵy eleýli tulǵalarǵa aınalý múmkindigi bar. Bizde «Oskar» syndy bedeldi júlde joq jáne engizýdiń de qajeti joq. Bizdegi sanat basqa. Árıne, másele ózekti. Bolashaqta sizderdiń qoldaýlaryńyzben buryn bolǵan qundylyqtardy qaıtara alamyz degen oıdamyn», - dedi mınıstr depýtattarǵa.
Aıta keteıik, Qazaqstannyń halyq ártisi - mýzyka men horeografııa, teatr men kıno, estrada jáne tsırk ónerin damytýǵa aıryqsha úles qosqan óner ıelerine beriletin Qazaqstannyń qurmetti ataǵy. 1920 jyldary belgilengen «Qazaq AKSR halyq ártisi» ataǵy alǵash 1923 - 1924 jyly A.V. Zataevıch pen N.P. Annenqova-Bernarǵa, al 1931 jyly E.Ómirzaqov pen J.Shanınge berildi. 1991 jyldan «Qazaqstannyń halyq ártisi» dep ataldy. 1999 jyldyń shilde aıynan bastap bul ataqty berý toqtatyldy.