Muhamedıuly - Golovkınge: Biz seniń jeńisińmen maqtanamyz

ASTANA. QazAqparat -  QR Mádenıet jáne sport mınıstri Arystanbek Muhamedıuly Gennadıı Golovkındi amerıkalyq Denıel Djeıkobspen jekpe-jektegi kezekti jarqyn jeńisimen quttyqtady.

 Bul týraly «QazAqparat» HAA tilshisi mınıstrliktiń baspasóz qyzmetine silteme jasap habarlaıdy.

 «Qymbatty Gennadıı Gennadevıch! Seni búgingi jeńisińmen jáne óz ataqtaryńdy tabysty qorǵaýyńmen quttyqtaımyn! Kúshti ári laıyqty qarsylasyńmen adal tartysta qaıtpas qaısarlyǵyńdy, ór rýhyńdy jáne tamasha  daıyndyǵyńdy kórsettiń. Kóshbasshy ekenińdi kezekti ret dáleldep, halyqaralyq deńgeıde Qazaqstan ımıdjin kóterdiń», - delingen  boksshyǵa jiberilgen mınıstrdiń jedelhatynda.

Bul jeńis kóktemgi Naýryz merekesi qarsańynda bokssúıer qaýymǵa jáne qazaqstandyq jankúıerlerge óte jaqsy syılyq boldy, dep atap ótti Muhamedıuly.