Muhamedıuly erkin kúresten álem chempıonatynda tuńǵysh ret fınalda beldesken Bekjanovty quttyqtady
«Qurmetti Nurlan! Sizdi Vengrııa astanasy Býdapeshtte kúres túrleri boıynsha ótken Álem chempıonatynda erkin kúreste kúmis júldeger atanýyńyzben shyn júrekten quttyqtaımyn!
Bul jeńisińiz - tarıhı jeńis! Sebebi, Siz qazaqstandyq balýandar arasynan alǵashqy bolyp aqtyq synda beldestińiz. Osyǵan deıin erkin kúresten álem chempıonattarynda 3 qola medalimiz bolsa, endi, mine Siz sol jetistikterdi eselep kúmisten alqa taǵyp, Qazaqstannyń abyroıyn asqaqtattyńyz.
Osy tarıhı jeńisińizben quttyqtaı kele, ózińizge, otbasyńyzǵa jáne jaqyndaryńyzǵa zor densaýlyq, teńizdeı sarqylmas baqyt jáne jańa jarqyn jeńister tileımin!» - dep jazylǵan quttyqtaýynda
Esterińizge sala keteıik, kúres túrlerinen Býdapesht qalasynda (Vengrııa) ótip jatqan olımpıadalyq emes salmaqtar boıynsha Álem chemıonatynda qazaqstandyq balýan Nurlan Bekjanov kúmis júldeger atanǵan bolatyn. Ol - erkin kúresten eresekter arasynda əlem chempıonatynyń fınalyna shyqqan tuńǵysh qazaq balýany.
Erkin kúresten 70 keli salmaq dárejesiniń aqtyq beldesýinde qazaq balýany 4:8 esebimen reseılik Magomed Kýrbanalıevke jol berdi. Alaıda, ol 2011 jyldan beri bolmaǵan júldeni Qazaqstanǵa syılady.
Nurlan Bekjanov irikteý kezeńinde qyrǵyz balýany Elaman Doǵdyrbekulyn 5:1 esebimen jeńse, 1/8 fınalda jergilikti balýan Zsombor Istvandy 6:2 esebimen tize búktirdi. Shırek fınalda Mıhaıl Savany (Moldova) 0:7 esebimen taza jeńdi. Jartylaı fınalda Nobýoshı Takodjımany 6:10 nátıjesimen jeńip, fınalǵa joldama aldy.