Muhamedıuly bastaǵan Astana jurtshylyǵy paralımpıadashylardy kútip aldy
07:27, 22 Qyrkúıek 2016
ASTANA. QazAqparat - Rıo-de-Janeıroda ótken XV Jazǵy Paralımpıada oıyndaryna qatysqan Qazaqstan sportshylary elge oraldy. Paralımpıadashylardy kútip alý úshin tańǵy saǵat 4-te Astana áýjaıynyń VIP-zalyna xalyq kóp jınaldy.
Olardyń arasynda QR Mádenıet jáne sport mınıstri Arystanbek Muxamedıuly da boldy.
Delegatsııa quramynda Qazaqstanǵa eki medal alyp bergen Paralımpıada júldegerleri boldy. Eske salsaq, otandyq júzýshi Zúlfııa Ǵabıdýllına erkin stılmen 100 metr qashyqtyqqa júzýden álem rekordyn jańartyp, Táýelsiz Qazaqstan úshin Paralımpıadanyń tuńǵysh altyn medalin jeńip alǵan bolatyn. Sondaı-aq 67 kelige deıingi salmaq dárejesinde óner kórsetken paýerlıfter Raýshan Qoıshybaeva Oıyndardyń kúmis júldegeri atandy.
Aıta keteıik, Rıodaǵy Paralımpıada oıyndaryna Qazaqstannan barlyǵy 11 sportshy attanǵan bolatyn.