Múgedektik boıynsha birqatar járdemaqy qaıta qaralady – Birjan Nurymbetov

NUR-SULTAN. QazAqparat – Qazaqstanda múgedektik úshin beriletin birqatar járdemaqyǵa ózgerister engizildi. Bul týraly QR Eńbek jáne halyqty áleýmettik qorǵaý mınıstri Birjan Nurymbetov aıtyp berdi, dep habarlaıdy QazAqparat tilshisi.

«Ulttyq jospar sheńberdinde mınıstrlik azamattardyń jekelegen sanattaryn áleýmettik qorǵaý máselesi boıynsha zań jobasyn ázirledi. Zań jobasy 80-nen astam normatıvtik-quqyqtyq aktige ózgerister engizýdi kózdeıdi jáne múgedektigi bar adamdardyń quqyqtary men áleýmettik qoldaýdy qamtamasyz etýge qatysty Nur Otan partııasynyń saılaýaldy tuǵyrnamasynda kórinis atpqan onnan astam tujyrymdamalyq tolyqtyrýlardy qamtıdy», - dedi mınıstr Úkimettiń búgingi otyrysynda.

Onyń ishinde múgedek adamdardy jumysqa ornalastyrý jónindegi kvotany oryndamaıtyn jumys berýshilerdiń ótemaqy jarnalaryn engizý, barlyq birinshi toptaǵy múgedek jandarǵa kútim jasaıtyn adamdarǵa járdemaqy engizý, 7 jastan 16 jasqa deıingi balalardy múgedek toptary boıynsha bólý, járdemaqy mólsherin qaıta qaraý, múgedektikti jáne asyraýshysynan aıyrylý boıynsha járdemaqylardy birge alý quqyǵyn berý, І-ІІ top múgedektigi belgilengen jaǵdaıda 18 jastan asqan balalar úshin turǵyn úı kezegin saqtap qalý syndy mayzdy áleýmettik normalar bar.

Zań jobasy barlyq satylarynan ótti jáne jaqyn arada Parlamentke engiziletin bolady.