Múgedektigi bar jandar belgili bir nysanda ózderine qandaı jaǵdaı jasalǵanyn saıt arqyly bile alady

ASTANA. QazAqparat – Múmkindigi shekteýli azamattar qandaı da bir nysanda qajetti jaǵdaı jasalǵanyn úıden shyqpaı-aq bile alady, dep habarlaıdy QazAqparat tilshisi.

«Jergilikti atqarýshy organdar júrgizetin jumys «Múgedek adamdardy áleýmettik qorǵaý» aqparattyq portalynda ornalastyrylady. Onda obektilerdiń «ınteraktıvti qoljetimdilik kartasy» jumys isteıdi jáne ol turaqty negizde ózektendiriledi. Bul karta barlyq azamattarǵa yńǵaıly. Múgedektigi bar adamǵa úıden shyqpaı-aq, kompıýterden nemese telefonnan belgili bir obektiniń qol jetimdilik dárejesin anyqtaýǵa múmkindik beriledi», - dep túsindirdi Eńbek jáne áleýmettik qorǵaý komıtetiniń tóraǵasy Tólegen Ospanqulov OKQ-de ótken brıfıngide.

Búginde inva.gov.kz saıtyna 9 myńnan astam nysan týraly derekter engizilgen. ıAǵnı, ol arqyly túrli obektilerdegi pandýs, arnaıy lıft jáne ózge qajetti jaǵdaılardyń bar nemese joq ekenin kórýge bolady.

Sonymen qosa, komıtet basshysy aldaǵy eki jylda múmkindigi shekteýli adamdar úshin 13 myńǵa jýyq nysan beıimdeletinin atap ótti.