Múgedektigi bar tulǵalarǵa qoldaý kórsetý jumystaryn únemi jaqsartyp otyrý qajet - Prezıdent
«Úshinshi blok – ınklıýzıvti jáne qoǵamdyq orta qalyptastyrý. Múgedektigi bar tulǵalarǵa júıeli qoldaý kórsetý progressıvti ári áleýmettik jaýapty memleketterge tán. Bizge bul baǵyttaǵy jumystardy turaqty túrde jaqsartyp otyrý qajet. Qazaqstanda erekshe bilim berý qajettiligi bar balalardyń sany artyp kele jatyr. Bul oraıda mundaı mamandandyrylǵan uıymdardyń qyzmetine qatysty qoldanystaǵy normalar eskirgen», - dedi Qazaqstan Prezıdenti.
Memleket basshysynyń atap ótýinshe, balalar tekserýden ótýi úshin jarty jylǵa deıin óz kezegin kútýge májbúr. Sodan keıin jan-jaqty keshendi ońaltý qajet bolady.
«Bul úshin tıisti mekemeler de jetispeıdi. Sondyqtan bul saladaǵy normatıvti óńirlerdiń erekshelikteri men zamanaýı standarttardy eskere otyryp jańartý qajet. Búginde bir ǵana psıhologııalyq-medıtsınalyq pedagogıkalyq komıssııa 60 myń balany qamtyp otyr. Olardyń jumysynyń tıimdiligin arttyrý úshin bul normatıvti 50 myń balaǵa deıin tómendetý qajet. Árıne, bul qosymsha resýrstar bólýdi talap etedi. Biraq, kásibı kómekke muqtaj balalar birshama sapaly qyzmet ala alatyn bolady», - dedi Qasym-Jomart Toqaev.