Múgedektigi bar balalarǵa memleketten qandaı qoldaý bar
«Melekettik bıýdjetten múgedektigi bar balalardy qosymsha qoldaý is-sharalary qarastyrylǵan. Kámelettik jasqa tolǵanǵa deıin kútim jasaý úshin járdemaqy tóleý kózdelgen. Járdemaqy mólsheri búgingi tańda 48 023 teńgeni qurap otyr. Osy jyldyń 6 aıynyń ishinde 92 259 otbasyǵa 27,2 mlrd teńge mólsherinde járdemaqy tólendi. Osyndaı qosymsha kómektiń biri múgedek bala kámelettik jasqa tolǵannan keıin de tólenedi. ıAǵnı sábı kezinen 1-toptaǵy múgedek balaǵa 18 jastan asqannan keıin de atalǵan járdemaqy jalǵasady. Onyń kólemi de 48 023 teńge quraıdy. Bul járdemaqyny qazirgi ýaqytta 15 038 otbasy aldy. Osy jyldyń 6 aıynda tólengen járdemaqynyń jalpy somasy 4,4 mlrd teńge boldy», - dedi ol Ortalyq kommýnıkatsııalar qyzmetindegi brıfıng barysynda.
Sonymen qatar departament basshysy jumys isteıtin áıelderge Memlekettik áleýmettik saqtandyrý qory arqyly jumys berýshi aýdarǵan qarajat esebinen tólenetin tólemniń bar ekendigin aıtty.
Ol - júktilikke jáne bala bosanýyna baılanysty tabysynan aıyrylýyna oraı 1 jyl beriletin áleýmettik tólem. Júktilikke baılanysty tólenetin járdemaqynyń qazirgi ýaqyttaǵy ortasha kólemi 540 myń teńgeni qurap otyr. 2020 osy maqsatqa 96,4 mlrd teńge kóleminde Memlekettik áleýmettik saqtandyrý qorynan qarajat tólendi. Bala týǵannan keıin Memlekettik áleýmettik saqtandyrý qorynan tólenetin tólemder bala 1 jasqa tolǵanǵa deıin júrgiziledi. Ótken jyldyń qorytyndysynda mundaı tólemdi 106,4 mlrd teńge kóleminde 501 myńnan astam azamatsha aldy. Qazirgi ýaqytta bul járdemaqynyń ortasha kólemi 31 myń teńgeni qurap otyr. Bıyl joǵaryda atalǵan eki áleýmettik tólem úshin Memlekettik áleýmettik saqtandyrý qorynan 253,8 mlr teńge qarastyrylyp otyr», - dedi Asqar Nııazov.