Múgedektigi bar adamdarǵa kredıt berýdi shekteýge jol berilmeıdi
«Qarjy naryǵyn retteý jáne damytý agenttiginiń málimetinshe, 2023 jyldyń 1 mamyryndaǵy jaǵdaı boıynsha І, ІІ, jáne ІІ toptaǵy múgedektigi bar 66,7 myń adamnyń negizgi qaryzynyń jalpy somasy shamamen 39 mlrd teńge bolatyn tutynýshylyq zaımdary men shaǵyn nesıeleri bar. Qazirgi ýaqytta bankter kredıt bergen kezde ótinim berýshi tabysynyń dáleli retinde resmı kiristerden (zeınetaqy aýdarymdary týraly derekter negizinde eseptelgen) bólek ótinim berýshiniń banktik esepshotyna nemese kartasyna sońǵy 6 aıda túsken túsimderdi qabyldaı alady. Buǵan qosa, múgedektiginiń bolýy nemese ótinim berýshiniń zeınetaqy aýdarymdary joqtyǵy, sondaı-aq orta, nemese joǵary biliminiń, eńbek ótiliniń bolýy (bolmaýy) jáne basqa da osyndaı jaǵdaı sebebimen kredıt berýdi shekteý jáne bas tartý belgileýge jol berilmeıdi», - dedi Úkimet basshysy jaýabynda.