Múgedektigi bar jáne asyraýshysynan aıyrylǵan azamattar qansha teńge járdemaqy alady

<p>Jyl basynan beri múgedektigi bar jáne asyraýshysynan aıyrylǵan azamattarǵa memlekettik áleýmettik járdemaqylardy (MÁJ) tóleýge respýblıkalyq bıýdjetten 479&nbsp;mlrd teńge jumsaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Buǵan qosymsha Memlekettik áleýmettik saqtandyrý qorynan (MÁSQ) eńbekke qabilettiliginen jáne asyraýshysynan aıyrylý boıynsha shamamen 59,4 mlrd teńge somasyna áleýmettik tólemder júzege asyryldy.

«2023 jylǵy 1 jeltoqsanǵa deıin múgedektigi boıynsha MÁJ alýshylar sany shamamen 535,4 myń adamdy, asyraýshysynan aıyrylý jaǵdaıy boıynsha shamamen 187,4 myń adamdy quraıdy.

Múgedektigi boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilengen eń tómen kúnkóris deńgeıiniń shamasyna baılanysty bolady.

Asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri qaıtys bolǵan asyraýshynyń asyraýyndaǵy adamdardyń sanyna, qaıtys bolý sebepterine jáne eń tómen kúnkóris deńgeıine baılanysty bolady», — dep túsindirdi Eńbek jáne halyqty áleýmettik qorǵaý mınıstrliginen.

Sonymen qatar, múgedektigi bar jáne asyraýshysynan aıyrylǵan azamattarǵa memlekettik áleýmettik járdemaqylardyń mólsheri 2023 jylǵy 1 qańtardan bastap eń tómen kúnkóris deńgeıiniń ulǵaıýyna baılanysty 8,5%-ǵa ósti, 2023 jylǵy 1 shildeden bastap ortasha eseppen 14,5%-ǵa qosymsha arttyryldy.

Máselen, 2023 jylǵy 1 shildeden bastap jalpy aýrýdan múgedektigi boıynsha MÁJ mólsheri 1-top úshin 89 248 teńgeni, 2-top úshin — 71 398 teńgeni, 3-top úshin — 48 681 teńgeni quraıdy.

Budan basqa, mindetti áleýmettik saqtandyrý júıesine qatysýshylarǵa áleýmettik táýekelder týyndaǵan jaǵdaıda MÁSQ-dan áleýmettik tólemder júzege asyrylady. Máselen, bıylǵy 11 aıdyń qorytyndysy boıynsha 98,8 myń adam eńbek etý qabiletinen aıyrylý boıynsha áleýmettik tólem, al 63,4 myńǵa jýyq otbasy asyraýshysynan aıyrylý boıynsha áleýmettik tólem aldy.

«Tólemderdiń mólsheri jeke jáne mynalarǵa baılanysty: sońǵy 2 jyldaǵy MÁSQ-ǵa áleýmettik aýdarymdar júrgizilgen ortasha aılyq tabys, eńbekke qabilettiliginen aıyrylý koeffıtsıentteri, asyraýyndaǵy adamdar sany, mindetti áleýmettik saqtandyrý júıesine qatysý ótili jáne tabysty aýystyrý.

Bul tólemder respýblıkalyq bıýdjetten tólenetin uqsas járdemaqylarǵa qosymsha júzege asyrylady, sondaı-aq 2023 jylǵy 1 qańtardan bastap QR Úkimetiniń sheshimimen olardyń mólsheri 8,5%-ǵa ulǵaıtyldy», — dep jazdy vedomstvodan.

1 jeltoqsandaǵy jaǵdaı boıynsha eńbekke qabilettiliginen aıyrylý boıynsha áleýmettik tólemderdiń ortasha mólsheri 46 681 teńgeni, asyraýshysynan aıyrylý boıynsha — 51 663 teńgeni quraıdy.