Múgedektigi bar 180 adam tsıfrlyq mamandyqtardy ıgeredi
Lagerdiń ashylýyna «Samuryq-Qazyna» AQ Basqarma tóraǵasy Nurlan Jaqypov, QR eńbek jáne halyqty áleýmettik qorǵaý mınıstri Svetlana Jaqypova, «Shell Qazaqstan» kompanııasynyń kommertsııalyq máseleler jónindegi bas dırektory Ký Vaları qatysty.
Jobaǵa qatysýshylar úsh baǵyt boıynsha tsıfrlyq mamandyqtarǵa oqytylady: No code ázirleý, UX/UI dızaıny jáne AI mamany. Sonymen qatar, olarǵa jumys tabýǵa kómek kórsetiledi. Oqytý qazaq, orys jáne ymdaý tilderinde júrgiziledi. Jobaǵa qatysýǵa Qazaqstan boıynsha 1500-den astam ótinim kelip tússe, onyń ishinde áńgimelesý nátıjesinde 18 ben 35 jas aralyǵyndaǵy 180 adam tańdaldy. Kópshiligi ártúrli múgedektigi bar stýdentter.
«Erekshe qajettilikteri bar jastardy áleýmetke beıimdep, jumysqa ornalasýǵa kómektesý mańyzdy. Jyl basynan beri 100-den astam adam Qor tobyndaǵy kompanııalarǵa jumysqa ornalasty. Bul jumysty odan ári belsendi túrde jalǵastyramyz. Qor árbir adam óziniń kásibı áleýetin asha alatyn ınklıýzıvti jáne qoldaıtyn ortany qurýǵa umtylady. Erekshe adamdardy digital mamandyqtaryna oqytý jobasy – «Samuryq-Qazyna» qory Qazaqstannyń bolashaǵyn ınklıýzıvti, tehnologııasy ozyq, teń jáne barshaǵa birdeı múmkindikterge toly kóretinine jarqyn úlgi», - dep atap ótti «Samuryq-Qazyna» qorynyń basshysy Nurlan Jaqypov.
Búgin bastalǵan ekikúndik jumsaq daǵdylardy, ıaǵnı soft skills damytý lageri oqytýdyń alǵashqy qadamy sanalady jáne tabysty kásibı qyzmet úshin qajet kommýnıkatıvti daǵdylardy, kóshbasshylyq qasıetterdi, emotsıonaldy sanany jáne basqa da negizgi quzyretterdi damytýǵa arnalǵan qarqyndy baǵdarlamalar legin usynady. Lager tek Astana ótpeıdi. Shilde aıynyń sońynda ońtústik astanada ózge óńirlerdegi qatysýshylar bas qosady.
Ári qaraı qatysýshylar aǵymdaǵy jyldyń qarasha aıyna deıin jalǵasatyn onlaın oqytýǵa kirisedi. Budan tys, oqý barysynda trenıngke qatysýshylar túıindeme jazý, onlaın jumys izdeý platformalarymen jumys isteý jáne suhbatqa daıyndalý boıynsha aqyl-keńeske ıe bolady.
Aıta ketken jón, «OrleTECH 3.0» jobasyn «Samuryq-Qazyna» AQ biryńǵaı qaıyrymdylyq operatory – «Samruk-Kazyna Trust» qory «Shell Qazaqstan» kompanııasymen birlesip júzege asyrýda.