Múgedek jáne asyraýshysynan aıyrylǵandarǵa 324 mlrd teńgeden astam járdemaqy tólendi
Bul týraly QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.
2021 jylǵy qańtar-qazan aılary aralyǵynda respýblıkalyq bıýdjetten múgedektik boıynsha memlekettik áleýmettik járdemaqy tóleýge 257,9 mlrd teńge, asyraýshysynan aıyrylý jaǵdaıyna baılanysty 66,5 mlrd teńge baǵyttaldy.
2021 jyldyń qazan aıynda respýblıkalyq bıýdjetten múgedektik boıynsha memlekettik áleýmettik járdemaqy tóleýge 25,5 mlrd teńge, asyraýshysynan aıyrylý jaǵdaıy boıynsha 6,7 mlrd teńge jumsaldy.
2021 jylǵy 1 qarashadaǵy jaǵdaı boıynsha múgedektik boıynsha memlekettik áleýmettik járdemaqy alýshylardyń sany 524,5 myń adamdy, asyraýshysynan aıyrylý jaǵdaıy boıynsha 149,7 myń adamdy quraıdy.
Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektik tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adamdar sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańynda belgilenetin eń tómen kúnkóris deńgeıiniń shamasyna baılanysty bolady.
2021 jylǵy 1 qarashadaǵy jaǵdaı boıynsha múgedektik jónindegi memlekettik áleýmettik járdemaqynyń ortasha mólsheri 48 690 teńgeni, asyraýshydan aıyrylý jaǵdaıynda 44 793 teńgeni qurady.