Muǵalimnen mınıstrlik buıryǵynda joq esepti talap etkenderge qatań shara qoldanamyz - Aımaǵambetov

NUR-SULTAN. QazAqparat – Muǵalimderden Bilim jáne ǵylym mınıstrligi buıryǵynda joq esepti talap etkenderge qatań shara qoldanamyz. Respýblıkalyq pedagogıkalyq keńeste QR Bilim mınıstri Ashat Aımaǵambetov osylaı aıtty, dep habarlaıdy QazAqparat tilshisi.

«Biz bul máseleni birneshe márte kóterdik, taǵy da qaıtalap aıtamyn. Dırektorlarǵa, olardyń orynbasarlaryna, bilim bólimderi men bilim basqarmalaryna eskertemin. Mınıstrliktiń buıryǵynda joq esepterdi talap etý faktileri rastalatyn bolsa, onda óte qatań sharalar qoldanamyz. Ony sizder oqymaısyzdar da, oqýǵa da eshkimniń ýaqyty joq. Onyń áketip bara jatqan eshqandaı tıimdiligi de joq. Bostan bosqa áıteýir esep jınaý. Degenmen, munyń aldynda bolǵan jaǵdaımen salystyrǵanda jer men kókteı aıyrmashylyq bar. Biraq, keıbir mektepterde áli kúnge deıin mundaı faktiler tirkelip otyr», - dedi mınıstr.

Sonymen qatar ol muǵalimder ózine júktelgen qyzmetpen ǵana aınalysýy tıis ekendigin, quzyretine kirmeıtin basqa jumysqa tartylmaýy kerektigin basa aıtty.

«Muǵalim óziniń sabaǵyn júrgizýi jáne ony sapaly ótkizýi tıis. Mine, biz osyny talap etýimiz qajet. Bul jerde eshkim daýlasa almaıdy», - dedi Ashat Aımaǵambetov.