Muǵalimderdiń jalaqysy qańtarda taǵy 25%-ǵa ósedi

ASTANA. QazAqparat – Prezıdenttiń qoldaýynyń arqasynda pedagogterdiń jalaqysy 2023 jylǵy qańtarda taǵy 25 paıyzǵa artady. Bul jaıynda QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Prezıdenttiń qoldaýynyń arqasynda pedagogterdiń jalaqysy 2023 jylǵy qańtarda taǵy 25 paıyzǵa artady. Sonymen qatar muǵalimderdiń kásibı quzyretin arttyrýǵa erekshe nazar aýdarylady. 2021 jyldan bastap pedagogıkalyq jumysqa turý úshin sertıfıkattaý engizildi. ıAǵnı endi jumysqa turý úshin dıplom jetkiliksiz, mindetti túrde óz páni jáne ádisteme boıynsha testileýden ótý qajet», - degen edi mınıstr buǵan deıin.

Jalpy bıyl respýblıkalyq bıýdjetten muǵalimderdiń jalaqysyn kóbeıtýge, olarǵa biliktilik sanattary, magıstr dárejesi úshin qosymsha aqy tóleýge jáne dene shynyqtyrý muǵalimderiniń sabaqtan tys sabaq ótkizýine 1,2 trln teńge (2,5 mlrd dollar) bólindi.

Esterińizge sala ketsek, 1 qarashada Úkimet otyrysynda bilim berýdi damytýdyń 2026 jylǵa deıingi tujyrymdamasynyń jobasy bekitildi. Bıyl jyldyń basynda muǵalimder jalaqysy 25 paıyzǵa ósken bolatyn.