Muǵalimderdi kýrstardan ótkizý jalǵasady – Bilim mınıstri
«Bıylǵy oqý jyly qashyqtan oqytý formatynda ótip jatyr. Oqý protsesin atalǵan formatta ótkizý boıynsha maqsatty jumys júrgizilip otyr. Qashyqtan oqytý jaǵdaıynda oqýshylar men muǵalimder qajet kompıýterlik tehnıkamen etken qamtamasyz etildi. Bul baǵytta Úkimettiń rezervinen de, jergilikti bıýdjetten de qarajat bólinip, sonyń arqasynda aýqymdy kólemde kompıýter satyp alyndy jáne balalarǵa taratyldy. Degenmen onlaın júıeni áli de jetildirimiz kerek», - dedi A. Aımaǵambetov.
Osy oraıda mınıstr onlaın platformalar jetkiliksiz ekenin aıta kele, sondyqtan bul baǵytty damytýdyń joldary qarastyrylyp otyrǵanyn aıtty.
«Taǵy bir másele – ol muǵalimderdi kýrstardan ótkizý. Barlyq pedagogtardy qysqa merzimdi kýrstardan ótkizdik. Bul baǵyttaǵy qadamdar jalǵasatyn bolady. Jalpy pedagogıkalyq ýnıversıtetterde pedagog mamandardy daıyndaǵanda osy mindetti pándi, mindetti modýldi engizemiz. Biliktilikti arttyrý kýrstarynda da osy másele boıynsha tıisti modýldi qosamyz», - dedi vedomstvo basshysy.
Budan buryn habarlanǵandaı, mınıstr pedagogtardy tán emes qyzmetterge ári kózdelmegen esepterge tartýdan bosatý sharalary qabyldanǵanyn aıtty.
Aıta keteıik, pedagog mamandyǵyn tańdaǵan «Altyn belgi» ıegerleri eki esege jýyq ulǵaıdy.