Muǵalimder ekonomıkadaǵy ortasha jalaqymen teń aılyq alady - Aımaǵambetov
«Biz osy jerde tájirıbe almasamyz. Kóptegen áriptesimiz Qazaqstannyń tájirıbesin zerdeleıdi. Onyń ishinde Prezıdent Qasym-Jomart Toqaevtyń qoldaýymen qabyldanǵan «Pedagog mártebesi týraly» zań barlyǵyna qyzyǵýshylyq týdyrary sózsiz. Bul zań bilim berý salasynda kóp nárseni ózgertkeni, onyń ishinde jalaqynyń ósýine sep bolǵany shyndyq. Qazir muǵalimderimizdiń ortasha jalaqysy ekonomıkadaǵy ortasha jalaqymen dep aıta alamyz. Dál osy tapsyrmany úsh jyl buryn alǵa qoıǵan edik. Eńbekaqy aıtarlyqtaı ósti», - dedi mınıstr TMD-ǵa múshe elder muǵalimderi men basqa da bilim berý qyzmetkerleriniń VII sezinde.
Mınıstr pedagogter ózderiniń quziretine kirmeıtin jumystarǵa endigi ýaqytta tartylmaıtynyn, ol zańdy turǵyda sheshilgenin basa aıtty.
«Esterińizde bolsa, erterekte olar páter jaǵalap, esik qaǵyp, ózderiniń jumysyna kirmeıtin isterdi atqaratyn. Esep-qısaby da kóp edi. Barlyq is-shara pedagog áriptesterimizdiń moınyna artylatyn. Sondyqtan bul mááseleniń bárin Zańnyń qabyldanýy arqasynda túbegeıli sheshtik. Bul jumysta ary qaraı da jalǵastyra beremiz», - dedi Ashat Aımaǵambetov.